अध्याय 211: भरत का दुःख केवल राम के लिए

मुनि समाज अरु तीरथराजू । साँचिहुँ सपथ अघाइ अकाजू ॥
एहिं थल जैॉ किछु कहिय बनाई । एहि सम अधिक न अघ अधमाई ॥

muni samāja aru tīratharājū | sām̐cihum̐ sapatha aghāi akājū ||
ehiṃ thala jaiॉ kichu kahiya banāī | ehi sama adhika na agha adhamāī ||

तुम्ह सर्बज्ञ कहउँ सतिभाऊ । उर-अन्तरजामी रघुराऊ ॥
मोहि न मातु करतब कर सोचू । नहिँ दुख जियँ जग जानहि पोचू ॥

tumha sarbajña kahaum̐ satibhāū | ura-antarajāmī raghurāū ||
mohi na mātu karataba kara socū | nahim̐ dukha jiyam̐ jaga jānahi pocū ||

नाहि न डर बिगरिहि परलोकू । पितहु मरन कर मोहि न सोकू ॥
सुकृत सुजस भरि भुवन सुहाये । लछिमन राम सरिस सुत पाये ॥

nāhi na ḍara bigarihi paralokū | pitahu marana kara mohi na sokū ||
sukṛta sujasa bhari bhuvana suhāye | lachimana rāma sarisa suta pāye ||

राम-बिरहँ तजि तनु छनभंगू । भूप सोच कर कवन प्रसंगू ॥
राम-लखन-सिय बिनु पग पनहीॅ । करि मुनि बेष फिरहिँ बन बनहीॅ ॥

rāma-biraham̐ taji tanu chanabhaṃgū | bhūpa soca kara kavana prasaṃgū ||
rāma-lakhana-siya binu paga panahīॅ | kari muni beṣa phirahim̐ bana banahīॅ ||