अध्याय 200: सुकुमार भाई अब धरती पर सोते हैं

लालन जोग लखन लघु लोने । भे न भाइ अस अहहिँ न होने ॥
पुरजन प्रिय पितु-मातु दुलारे । सिय-रघुबरहि प्रानपिआरे ॥

lālana joga lakhana laghu lone | bhe na bhāi asa ahahim̐ na hone ||
purajana priya pitu-mātu dulāre | siya-raghubarahi prānapiāre ||

मृदु मूरति सुकुमार सुभाऊ । तात बाउ तन लाग न काऊ ॥
ते बन सहहिँ बिपति सब भाँती । निदरे कोटि कुलिस एहिं छाती ॥

mṛdu mūrati sukumāra subhāū | tāta bāu tana lāga na kāū ||
te bana sahahim̐ bipati saba bhām̐tī | nidare koṭi kulisa ehiṃ chātī ||

राम जनमि जग कीन्ह उजागर । रूप-सील-सुख सब गुन सागर ॥
पुरजन परिजन गुरु पितु माता । राम सुभाउ सबहि सुख-दाता ॥

rāma janami jaga kīnha ujāgara | rūpa-sīla-sukha saba guna sāgara ||
purajana parijana guru pitu mātā | rāma subhāu sabahi sukha-dātā ||

बैरिउ राम बड़ाई करहीँ । बोलनि मिलनि बिनय मन हरहीॅ ॥
सादर कोटि कोटि सत सेखा । करि न सकहिँ प्रभु-गुन-गन लेखा ॥

bairiu rāma bar̤āī karahīm̐ | bolani milani binaya mana harahīॅ ||
sādara koṭi koṭi sata sekhā | kari na sakahim̐ prabhu-guna-gana lekhā ||