अध्याय 199: कुश की साथरी देखकर भरत का शोक

कुस साँथरीनिहारि सुहाई । कीन्ह प्रनाम प्रदच्छिन जाई ॥
चरन रेख रज आँखिन्ह लाई । बनइ न कहत प्रीति अधिकाई ॥

kusa sām̐tharīnihāri suhāī | kīnha pranāma pradacchina jāī ||
carana rekha raja ām̐khinha lāī | banai na kahata prīti adhikāī ||

कनक बिन्दु दुइ चारिक देखे । राखे सीस सीय सम लेखे ॥
सजल बिलोचन हृदयँ गलानी । कहत सखा सन बचन सुबानी ॥

kanaka bindu dui cārika dekhe | rākhe sīsa sīya sama lekhe ||
sajala bilocana hṛdayam̐ galānī | kahata sakhā sana bacana subānī ||

श्रीहत सीय-बिरहँ दुति-हीना । जथा अवध नर-नारि बिलीना ॥
पिता जनक देउँ पटतर केही । करतल भोगु जोग जग जेही ॥

śrīhata sīya-biraham̐ duti-hīnā | jathā avadha nara-nāri bilīnā ||
pitā janaka deum̐ paṭatara kehī | karatala bhogu joga jaga jehī ||

ससुर भानुकुल-भानु भुआलू । जेहि सिहात अमरावति-पालू ॥
प्राननाथ रघुनाथ गोसाँई । जो बड़ होत से राम बड़ाई ॥

sasura bhānukula-bhānu bhuālū | jehi sihāta amarāvati-pālū ||
prānanātha raghunātha gosām̐ī | jo bar̤a hota se rāma bar̤āī ||