अध्याय 198: भरत राम के सोने का स्थान देखना चाहते हैं

जहँ तहँ लोगन्ह डेरा कीन्हा । भरत सोध सब ही कर लीन्हा ॥
गुरु सेवा करि आयसु पाई । राम-मातु पहिँ गे दोउ भाई ॥

jaham̐ taham̐ loganha ḍerā kīnhā | bharata sodha saba hī kara līnhā ||
guru sevā kari āyasu pāī | rāma-mātu pahim̐ ge dou bhāī ||

चरन चाँपि कहि कहि मृदु बानी । जननीं सकल भरत सनमानी ॥
भाइहि सौंपि मातु-सेवकाई । आपु निषादहि लीन्ह बोलाई ॥

carana cām̐pi kahi kahi mṛdu bānī | jananīṃ sakala bharata sanamānī ||
bhāihi sauṃpi mātu-sevakāī | āpu niṣādahi līnha bolāī ||

चले सखा कर सोँ कर जोरें । सिथिल सरीर सनेह न थोरें ॥
पूछत सखहि सो ठाउँ देखाऊ । नेकु नयन मन जरनि जुड़ाऊ ॥

cale sakhā kara som̐ kara joreṃ | sithila sarīra saneha na thoreṃ ||
pūchata sakhahi so ṭhāum̐ dekhāū | neku nayana mana jarani jur̤āū ||

जहँ सिय-राम-लखन निसि सोये । कहत भरे जन लोचन कोये ॥
भरत बचन सुनि भयउ बिषादू । तुरत तहाँ लइ गयउ निषादू ॥

jaham̐ siya-rāma-lakhana nisi soye | kahata bhare jana locana koye ||
bharata bacana suni bhayau biṣādū | turata tahām̐ lai gayau niṣādū ||