अध्याय 192: शकुन और एक वृद्ध की सलाह

राम-प्रताप नाथ बल तोरे । करहिँ कटक बिनु भट बिनु घोरे ॥
जीवत पाउं न पाछें धरहीँ । रुंड मुंडमय-मेदिनि करहीं ॥

rāma-pratāpa nātha bala tore | karahim̐ kaṭaka binu bhaṭa binu ghore ||
jīvata pāuṃ na pācheṃ dharahīm̐ | ruṃḍa muṃḍamaya-medini karahīṃ ||

देखि निषाद-नाथ भल टोलू । कहेउ बजाउ जुझाऊ, ढोलू ॥
एतना कहत छींक भइ बाँए । कहेउ सगुनिअन्ह खेत सुहायें ॥

dekhi niṣāda-nātha bhala ṭolū | kaheu bajāu jujhāū, ḍholū ||
etanā kahata chīṃka bhai bām̐e | kaheu sagunianha kheta suhāyeṃ ||

बूढ़ एक कह सगुन बिचारी । भरतहि मिलिअ न होइहि रारी ॥
रामहि भरत मनावन जाहीं । सगुन कहइ अस विग्रह नाहीं ॥

būr̤ha eka kaha saguna bicārī | bharatahi milia na hoihi rārī ||
rāmahi bharata manāvana jāhīṃ | saguna kahai asa vigraha nāhīṃ ||

सुनि गुह कहइ नीक कह बूढ़ा । सहसा कर पछिताहिँ बिमूढा ॥
भरत सुभाउ सील बिनु बूझें । बड़ि हित हानि जानि बिनु जूझें ॥

suni guha kahai nīka kaha būr̤hā | sahasā kara pachitāhim̐ bimūḍhā ||
bharata subhāu sīla binu būjheṃ | bar̤i hita hāni jāni binu jūjheṃ ||