अध्याय 191: निषाद वीर युद्ध के लिए सजते हैं

बेगहु भाइहु सजहु सँजोऊ । सुनि रजाइ कदराइ न कोऊ ॥
भलेहिं नाथ सब कहहिँ सहरषा । एकहिं एक बढ़ावइ करषा ॥

begahu bhāihu sajahu sam̐joū | suni rajāi kadarāi na koū ||
bhalehiṃ nātha saba kahahim̐ saharaṣā | ekahiṃ eka bar̤hāvai karaṣā ||

चले निषाद जोहारि जोहारी । सूर सकल रन रूचइ रारी ॥
सुमिरि राम-पद-पङ्कज-पनहीं । भाथीं बाँधि चढ़ाइन्हि धनहीं ॥

cale niṣāda johāri johārī | sūra sakala rana rūcai rārī ||
sumiri rāma-pada-paṅkaja-panahīṃ | bhāthīṃ bām̐dhi car̤hāinhi dhanahīṃ ||

अँगरी पहिरि कूँड़ि सिर धरहीं । फरसा बाँस सेल सम करहीं ॥
एक कुसल अति ओड़न खांड़े । कूदहिँ गगन मनहुँ छिति छाँड़े ॥

am̐garī pahiri kūm̐r̤i sira dharahīṃ | pharasā bām̐sa sela sama karahīṃ ||
eka kusala ati or̤ana khāṃr̤e | kūdahim̐ gagana manahum̐ chiti chām̐r̤e ||

निज निज साज समाज बनाई । गुह राउतहिं जोहारे जाई ॥
देखि सुभट सब लायक जाने । लै लै नाम सकल सनमाने ॥

nija nija sāja samāja banāī | guha rāutahiṃ johāre jāī ||
dekhi subhaṭa saba lāyaka jāne | lai lai nāma sakala sanamāne ||