अध्याय 190: राम के काज में मरने का गुह का संकल्प

होहु सँजोइल रोकहु घाटा । ठाटहु सकल मरै के ठाटा ॥
सनमुख लोह भरत सन लेऊँ । जियत न, सुरसरि उतरन देऊँ ॥

hohu sam̐joila rokahu ghāṭā | ṭhāṭahu sakala marai ke ṭhāṭā ||
sanamukha loha bharata sana leūm̐ | jiyata na, surasari utarana deūm̐ ||

समर-मरन पुनि सुरसरि-तीरा । राम-काज छनभङ्ग-सरीरा ॥
भरत भाइ-नप मैं जन नीचू । बड़ें भाग असि पाइअ मीचू ॥

samara-marana puni surasari-tīrā | rāma-kāja chanabhaṅga-sarīrā ||
bharata bhāi-napa maiṃ jana nīcū | bar̤eṃ bhāga asi pāia mīcū ||

स्वामि काज करिहउँ रन रारी । जस धवलिहउँ भुवन दस चारी ॥
तजउँ प्रान रघुनाथ निहोरें । दुहूँ हाथ मुद, मोदक मोरें ॥

svāmi kāja karihaum̐ rana rārī | jasa dhavalihaum̐ bhuvana dasa cārī ||
tajaum̐ prāna raghunātha nihoreṃ | duhūm̐ hātha muda, modaka moreṃ ||

साधु समाज न जा कर लेखा । रामभगत महँ जासु न रेखा ॥
जायँ जियत जग सो महि भारू । जननी जौबन बिटप कुठारू ॥

sādhu samāja na jā kara lekhā | rāmabhagata maham̐ jāsu na rekhā ||
jāyam̐ jiyata jaga so mahi bhārū | jananī jaubana biṭapa kuṭhārū ||