अध्याय 179: भरत स्वयं को सब अनर्थ की जड़ कहते हैं

कहउँ साँच सब सुनि पतिआहू । चाहिअ धरमसील नरनाहू ॥
मोहि राज हठि देइहहु जबहीं । रसा रसातल जाइहि तबहीं ॥

kahaum̐ sām̐ca saba suni patiāhū | cāhia dharamasīla naranāhū ||
mohi rāja haṭhi deihahu jabahīṃ | rasā rasātala jāihi tabahīṃ ||

मोहि समान को पाप निवासू । जेहि लगि सीय-राम-बनबासू ॥
रायँ राम कह कानन दीन्हा । बिछुरत गमन अमरपुर कीन्हा ॥

mohi samāna ko pāpa nivāsū | jehi lagi sīya-rāma-banabāsū ||
rāyam̐ rāma kaha kānana dīnhā | bichurata gamana amarapura kīnhā ||

मैं सठ सब अनरथ कर हेतू । बैठ बात सब सुनउँ सचेतू ॥
बिनु रघुबीर बिलोकि अबासू । रहे प्रान सहि जग उपहासू ॥

maiṃ saṭha saba anaratha kara hetū | baiṭha bāta saba sunaum̐ sacetū ||
binu raghubīra biloki abāsū | rahe prāna sahi jaga upahāsū ||

राम पुनीत विषय-रस रूखे । लोलुप भूमि भोग के भूखे ॥
कहँ लगि-कहौं हृदय कठिनाई । निदरि कुलिस जेहिं लही बड़ाई ॥

rāma punīta viṣaya-rasa rūkhe | lolupa bhūmi bhoga ke bhūkhe ||
kaham̐ lagi-kahauṃ hṛdaya kaṭhināī | nidari kulisa jehiṃ lahī bar̤āī ||