अध्याय 180: कैकेयी के पुत्र के लिए अब क्या भला

कैकेई-भव तनु अनुरागे । पाँवर प्रान अघाई अभागे ॥
जौं प्रिय-बिरहँ प्रान प्रिय लागे । देखब सुनब बहुत अब आगे ॥

kaikeī-bhava tanu anurāge | pām̐vara prāna aghāī abhāge ||
jauṃ priya-biraham̐ prāna priya lāge | dekhaba sunaba bahuta aba āge ||

लखन-राम सिय कह बन दीन्हा । पठइ अमरपुर पति हित कीन्हा ॥
लीन्ह बिधवपन अपजस आपू । दीन्हेउ प्रजहि सोक सन्तापू ॥

lakhana-rāma siya kaha bana dīnhā | paṭhai amarapura pati hita kīnhā ||
līnha bidhavapana apajasa āpū | dīnheu prajahi soka santāpū ||

मोहि दीन्ह सुख सुजस सुराजू । कीन्ह कैकेईं सब कर काजू ॥
एहि तेँ मोर काह अब नीका । तेहि पर देन कहहु तुम्ह टीका ॥

mohi dīnha sukha sujasa surājū | kīnha kaikeīṃ saba kara kājū ||
ehi tem̐ mora kāha aba nīkā | tehi para dena kahahu tumha ṭīkā ||

कैकइ जठर जनमि जग माहीं । यह मोहि कहँ कछु अनुचित नाहीं ॥
मोरि बात सब बिधिहिं बनाई । प्रजा पाँच कत करहु सहाई ॥

kaikai jaṭhara janami jaga māhīṃ | yaha mohi kaham̐ kachu anucita nāhīṃ ||
mori bāta saba bidhihiṃ banāī | prajā pām̐ca kata karahu sahāī ||