अध्याय 178: मेरा हित केवल राम की सेवा

हित हमार सियपति सेवकाई । सो हरि लीन्ह मातु-कुटिलाई ॥
मैं अनुमानि दीख मन माहीं । आन उपायँ मोर हित नाहीँ ॥

hita hamāra siyapati sevakāī | so hari līnha mātu-kuṭilāī ||
maiṃ anumāni dīkha mana māhīṃ | āna upāyam̐ mora hita nāhīm̐ ||

सोक-समाज-राज केहि लेखें । लखन-राम-सिय-बिनु पद देखें ॥
बादि बसन बिनु भूषन भारू । बादि बिरति बिनु ब्रह्म-बिचारू ॥

soka-samāja-rāja kehi lekheṃ | lakhana-rāma-siya-binu pada dekheṃ ||
bādi basana binu bhūṣana bhārū | bādi birati binu brahma-bicārū ||

सरुज सरीर बादि बहु भोगा । बिनु हरिभगति जायँ जप जोगा ॥
जायँ जीव बिनु देह सुहाई । बादि मोर सब बिनु रघुराई ॥

saruja sarīra bādi bahu bhogā | binu haribhagati jāyam̐ japa jogā ||
jāyam̐ jīva binu deha suhāī | bādi mora saba binu raghurāī ||

जाउँ राम पहिँ आयसु देहू । एकहिं आँक मोर हित एहू ॥
मोहि नृप करि भल आपन चहहू । सोउ सनेह जड़ता बस कहहू ॥

jāum̐ rāma pahim̐ āyasu dehū | ekahiṃ ām̐ka mora hita ehū ||
mohi nṛpa kari bhala āpana cahahū | sou saneha jar̤atā basa kahahū ||