अध्याय 175: गुरु और मंत्री भरत से राज करने को कहते

अवसि नरेस बचन फुर करहू । पालहु प्रजा सोकु परिहरहू ॥
सुरपुर नप पाइहि परितोषू । तुम्ह कहँ सुकृत सुजस नहिँ दोषू ॥

avasi naresa bacana phura karahū | pālahu prajā soku pariharahū ||
surapura napa pāihi paritoṣū | tumha kaham̐ sukṛta sujasa nahim̐ doṣū ||

बेद-बिदित सम्मत सबही का । जेहि पितु देइ सो पावइ टीका ॥
करहु राज परिहरहु गलानी । मानहु मोर बचन हित जानी ॥

beda-bidita sammata sabahī kā | jehi pitu dei so pāvai ṭīkā ||
karahu rāja pariharahu galānī | mānahu mora bacana hita jānī ||

सुनि सुख लहब राम बैदेहीं । अनुचित कहब न पंडित केहीं ॥
कौसल्यादि सकल महँ तारी । तेउ प्रजा-सुख होहिं सुखारीं ॥

suni sukha lahaba rāma baidehīṃ | anucita kahaba na paṃḍita kehīṃ ||
kausalyādi sakala maham̐ tārī | teu prajā-sukha hohiṃ sukhārīṃ ||

मरम तुम्हार राम कर जानिहि । सो सब विधि तुम्ह सन भल मानिहि ॥
सौंपेहु राज राम के आये । सेवा करेहु सनेह सुहाये ॥

marama tumhāra rāma kara jānihi | so saba vidhi tumha sana bhala mānihi ||
sauṃpehu rāja rāma ke āye | sevā karehu saneha suhāye ||