अध्याय 169: आँसुओं की रात और वसिष्ठ का उपदेश

राम प्रानहु तँ प्रान तुम्हारे । तुम्ह रघुपतिहि प्रानहु तेँ प्यारे ॥
बिधु विष चवै स्त्रवै हिम आगी । होइ बारिचर बारि बिरागी ॥

rāma prānahu tam̐ prāna tumhāre | tumha raghupatihi prānahu tem̐ pyāre ||
bidhu viṣa cavai stravai hima āgī | hoi bāricara bāri birāgī ||

भये ज्ञान बरु मिटइ न मोहू । तुम्ह रामहिँ प्रतिकूल न होहू ॥
मत तुम्हार यह जो जग कहहीँ । सो सपनेहुँ सुख सुगति न लहहीं ॥

bhaye jñāna baru miṭai na mohū | tumha rāmahim̐ pratikūla na hohū ||
mata tumhāra yaha jo jaga kahahīm̐ | so sapanehum̐ sukha sugati na lahahīṃ ||

अस कहि मातु भरत हियँ लाये । थन पय स्त्रवहिं नयन जल छाये ॥
करत बिलाप बहुत यहि भाँती । बैठेहिं बीति गई सब राती ॥

asa kahi mātu bharata hiyam̐ lāye | thana paya stravahiṃ nayana jala chāye ||
karata bilāpa bahuta yahi bhām̐tī | baiṭhehiṃ bīti gaī saba rātī ||

बामदेउ बसिष्ठ तब आये । सचिव महाजन सकल बोलाये ॥
मुनि बहु भाँति भरत उपदेसे । कहि परमारथ बचन सुदेसे ॥

bāmadeu basiṣṭha taba āye | saciva mahājana sakala bolāye ||
muni bahu bhām̐ti bharata upadese | kahi paramāratha bacana sudese ||