अध्याय 167: भरत की शपथ, इसमें मेरी सम्मति नहीं

बिलपहिं बिकल भरत बिकल भाई । कौसल्याँ लिये हृदयँ लगाई ॥
भाँति अनेक भरत समुझाये । कहि बिबेक-मय बचन सुहाये ॥

bilapahiṃ bikala bharata bikala bhāī | kausalyām̐ liye hṛdayam̐ lagāī ||
bhām̐ti aneka bharata samujhāye | kahi bibeka-maya bacana suhāye ||

भरतहुँ मातु सकल समुझाईं । कहि पुरान-श्रुति कथा सुहाईं ॥
छल बिहीन सुचि सरल सुबानी । बोले भरत जोरि जुग पानी ॥

bharatahum̐ mātu sakala samujhāīṃ | kahi purāna-śruti kathā suhāīṃ ||
chala bihīna suci sarala subānī | bole bharata jori juga pānī ||

जे अघ मातु-पिता-सुत मारें । गाइ गोठ महिसुर-पुर जारें ॥
जे अघ तिय-बालक-बध कीन्हें । मीत महीपति माहुर दीन्हें ॥

je agha mātu-pitā-suta māreṃ | gāi goṭha mahisura-pura jāreṃ ||
je agha tiya-bālaka-badha kīnheṃ | mīta mahīpati māhura dīnheṃ ||

जे पातक उपपातक अहहीं । करम बचन मन भव कबि कहहीं ॥
ते पातक मोहि होहु बिधाता । जौँ यह होइ मोर मत माता ॥

je pātaka upapātaka ahahīṃ | karama bacana mana bhava kabi kahahīṃ ||
te pātaka mohi hohu bidhātā | jaum̐ yaha hoi mora mata mātā ||