अध्याय 163: शत्रुघ्न ने मन्थरा को दण्ड दिया, भरत ने छुड़ाया

सुनि सत्रुघुन मातु कुटिलाई । जरहिँ गात रिस कछु न बसाई ॥
तेहि अवसर कुबरी तहँ आई । बसन बिभूषन विविध बनाई ॥

suni satrughuna mātu kuṭilāī | jarahim̐ gāta risa kachu na basāī ||
tehi avasara kubarī taham̐ āī | basana bibhūṣana vividha banāī ||

लखि रिस भरेउ लखन लघु भाई । बरत अनल घृत आहुति पाई ॥
हुमगि लात तकि कूबर मारा । परि मुह भरि महि करत पुकारा ॥

lakhi risa bhareu lakhana laghu bhāī | barata anala ghṛta āhuti pāī ||
humagi lāta taki kūbara mārā | pari muha bhari mahi karata pukārā ||

कूबर टूटेउ फूट कपारू । दलित-दसन मुख रुधिर-प्रचारू ॥
आह दइअ मैं काह नसावा । करत नीक फल अनइस पावा ॥

kūbara ṭūṭeu phūṭa kapārū | dalita-dasana mukha rudhira-pracārū ||
āha daia maiṃ kāha nasāvā | karata nīka phala anaisa pāvā ||

सुनि रिपुहन लखि नख-सिख खोटी । लगे घसीटन धरि धरि झोंटी ॥
भरत दयानिधि दीन्हि छड़ाई । कौसल्या पहिँ गे दोउ भाई ॥

suni ripuhana lakhi nakha-sikha khoṭī | lage ghasīṭana dhari dhari jhoṃṭī ||
bharata dayānidhi dīnhi char̤āī | kausalyā pahim̐ ge dou bhāī ||