अध्याय 164: कौसल्या के चरणों में भरत का विलाप

भरतहि देखि मातु उठि धाई । मुरछित अवनि परी झइँ आई ॥
देखत भरत बिकल भये भारी । परे चरन तन दसा बिसारी ॥

bharatahi dekhi mātu uṭhi dhāī | murachita avani parī jhaim̐ āī ||
dekhata bharata bikala bhaye bhārī | pare carana tana dasā bisārī ||

मातु तात कहँ देहि देखाई । कहँ सिय-राम-लखन दोउ भाई ॥
कैकइ कत जनमी जग माँगा । जौं जनमि त भइ काहे न बाँझा ॥

mātu tāta kaham̐ dehi dekhāī | kaham̐ siya-rāma-lakhana dou bhāī ||
kaikai kata janamī jaga mām̐gā | jauṃ janami ta bhai kāhe na bām̐jhā ||

कुल-कलङ्क जेहिं जनमेउ मोही । अपजस-भाजन प्रिय-जन-द्रोही ॥
को तिभुवन मोहि सरिस अभागी । गति असि तोरि मातु जेहि लागी ॥

kula-kalaṅka jehiṃ janameu mohī | apajasa-bhājana priya-jana-drohī ||
ko tibhuvana mohi sarisa abhāgī | gati asi tori mātu jehi lāgī ||

पितु सुरपुर बन रघुबर-केतू । मैं केवल सब अनरथ हेतु ॥
धिग मोहि भयउँ बेनु-बन-आगी । दुसह दाह दुख दूषन भागी ॥

pitu surapura bana raghubara-ketū | maiṃ kevala saba anaratha hetu ||
dhiga mohi bhayaum̐ benu-bana-āgī | dusaha dāha dukha dūṣana bhāgī ||