अध्याय 158: भरत का शोकग्रस्त नगर में प्रवेश

चले समीर-बेग हय हाँके । नाघत सरित सैल बन बाँके ॥
हृदयँ सोच बड़ कछु न सोहाई । अस जानहिं जियँ जाउँ उड़ाई ॥

cale samīra-bega haya hām̐ke | nāghata sarita saila bana bām̐ke ||
hṛdayam̐ soca bar̤a kachu na sohāī | asa jānahiṃ jiyam̐ jāum̐ ur̤āī ||

एक निमेष बरष सम जाई । एहि बिधि भरत नगर निअराई ॥
असगुन होहिँ नगर पैठारा । रटहिं कुभाँति कुखेत करारा ॥

eka nimeṣa baraṣa sama jāī | ehi bidhi bharata nagara niarāī ||
asaguna hohim̐ nagara paiṭhārā | raṭahiṃ kubhām̐ti kukheta karārā ||

खर सिआर बोलहिँ प्रतिकूला । सुनि सुनि होइ भरत मन सूला ॥
श्रीहत सर सरिता बन बागा । नगर बिसेषि भयावन लागा ॥

khara siāra bolahim̐ pratikūlā | suni suni hoi bharata mana sūlā ||
śrīhata sara saritā bana bāgā | nagara biseṣi bhayāvana lāgā ||

खग मृग हय गय जाहिं न जोए । राम-बियोग-कुरोग बिगोए ॥
नगर नारि नर निपट दुखारी । मनहुँ सबन्हि सब सम्पति हारी ॥

khaga mṛga haya gaya jāhiṃ na joe | rāma-biyoga-kuroga bigoe ||
nagara nāri nara nipaṭa dukhārī | manahum̐ sabanhi saba sampati hārī ||