अध्याय 159: कैकेयी का कपट के आँसुओं से स्वागत

हाट बाट नहिं जाइ निहारी । जनु पुर दहँ दिसि लागि दवारी ॥
आवत सुत सुनि कैकयनंदिनि । हरषी रबिकुल जलरूह चन्दिनि ॥

hāṭa bāṭa nahiṃ jāi nihārī | janu pura daham̐ disi lāgi davārī ||
āvata suta suni kaikayanaṃdini | haraṣī rabikula jalarūha candini ||

सजि आरती मुदित उठि धाई । द्वारेहिं भेंटि भवन लेइ आई ॥
भरत दुखित परिवार निहारा । मानहुँ तुहिन बन ज-बन मारा ॥

saji āratī mudita uṭhi dhāī | dvārehiṃ bheṃṭi bhavana lei āī ||
bharata dukhita parivāra nihārā | mānahum̐ tuhina bana ja-bana mārā ||

कैकेई हरषित एहि भाँती । मनहुँ मुदित दव लाइ किराती ॥
सुतहि ससोच देखि मन मारें । पूँछति नैहर कुसल हमारें ॥

kaikeī haraṣita ehi bhām̐tī | manahum̐ mudita dava lāi kirātī ||
sutahi sasoca dekhi mana māreṃ | pūm̐chati naihara kusala hamāreṃ ||

सकल कुसल कहि भरत सुनाई । पूछी निज-कुल कुसल भलाई ॥
कहु कहँ तात कहाँ सब माता । कहुँ सिय-राम-लखन प्रिय भ्राता ॥

sakala kusala kahi bharata sunāī | pūchī nija-kula kusala bhalāī ||
kahu kaham̐ tāta kahām̐ saba mātā | kahum̐ siya-rāma-lakhana priya bhrātā ||