अध्याय 156: अवध का शोक, वसिष्ठ की सान्त्वना

जिअन मरन फल दसरथ पावा । अंड अनेक अमल जस छावा ॥
जियत राम-बिधु-बदन निहारा । राम-बिरह करि मरन सँवारा ॥

jiana marana phala dasaratha pāvā | aṃḍa aneka amala jasa chāvā ||
jiyata rāma-bidhu-badana nihārā | rāma-biraha kari marana sam̐vārā ||

सोक बिकल सब रोवहिँ रानी । रूप सील बल तेज बखानी ॥
करहिँ बिलाप अनेक प्रकारा । परहिँ भूमितल बारहिँ बारा ॥

soka bikala saba rovahim̐ rānī | rūpa sīla bala teja bakhānī ||
karahim̐ bilāpa aneka prakārā | parahim̐ bhūmitala bārahim̐ bārā ||

बिलपहिँ बिकल दास अरु दासी । घर घर रुदन करहिं पुरबासी ॥
अँथयउ आजु भानुकुल-भानू । धरम-अवधि गुन-रूप-निधानू ॥

bilapahim̐ bikala dāsa aru dāsī | ghara ghara rudana karahiṃ purabāsī ||
am̐thayau āju bhānukula-bhānū | dharama-avadhi guna-rūpa-nidhānū ||

गारीं सकल कैकइहि देहीं । नयन बिहीन कीन्ह जग जेहीं ॥
एहि बिधि बिलपत रैनि बिहानी । आये सकल महामुनि ज्ञानी ॥

gārīṃ sakala kaikaihi dehīṃ | nayana bihīna kīnha jaga jehīṃ ||
ehi bidhi bilapata raini bihānī | āye sakala mahāmuni jñānī ||