अध्याय 155: राम नाम लेते हुए दशरथ का देहत्याग

धरि धीरज उठि बैठि भुआलू । कहु सुमन्त्र कहँ राम-कृपालू ॥
कहाँ लखन कहँ राम सनेही । कहँ प्रिय-पुत्रवधू वैदेही ॥

dhari dhīraja uṭhi baiṭhi bhuālū | kahu sumantra kaham̐ rāma-kṛpālū ||
kahām̐ lakhana kaham̐ rāma sanehī | kaham̐ priya-putravadhū vaidehī ||

बिलपत राउ बिकल बहु भाँती । भइ जुग सरिस सिराति न राती ॥
तापस-अन्ध साप सुधि आई । कौसल्यहि सब कथा सुनाई ॥

bilapata rāu bikala bahu bhām̐tī | bhai juga sarisa sirāti na rātī ||
tāpasa-andha sāpa sudhi āī | kausalyahi saba kathā sunāī ||

भयउ बिकल बरनत इतिहासा । राम रहित धिग जीवन आसा ॥
सो तनु राखि करब मैं काहा । जेहि न प्रेम-पन मोर निबाहा ॥

bhayau bikala baranata itihāsā | rāma rahita dhiga jīvana āsā ||
so tanu rākhi karaba maiṃ kāhā | jehi na prema-pana mora nibāhā ||

हा रघुनन्दन प्रान-पिरीते । तुम्ह बिनु जियत बहुत दिन बीते ॥
हा जानकी लखन हा रघुबर । हा पितु-हित-चित-चातक-जलधर ॥

hā raghunandana prāna-pirīte | tumha binu jiyata bahuta dina bīte ||
hā jānakī lakhana hā raghubara | hā pitu-hita-cita-cātaka-jaladhara ||