अध्याय 154: कौसल्या ने डूबते राजा को सँभाला

प्रान कंठगत भयउ भुआलू । मनि-बिहीन जनु ब्याकुल ब्यालू ॥
इद्रीं सकल बिकल भइँ भारी । जनु सर सरसिज बनु बिनु बारी ॥

prāna kaṃṭhagata bhayau bhuālū | mani-bihīna janu byākula byālū ||
idrīṃ sakala bikala bhaim̐ bhārī | janu sara sarasija banu binu bārī ||

कौसल्याँ नृप दीख मलाना । रबिकुल-रबि अँथयउ जियँ जाना ॥
उर धरि धीर राम महतारी । बोली बचन समय अनुसारी ॥

kausalyām̐ nṛpa dīkha malānā | rabikula-rabi am̐thayau jiyam̐ jānā ||
ura dhari dhīra rāma mahatārī | bolī bacana samaya anusārī ||

नाथ समुझि मन करिय बिचारू । राम बियोग पयोधि अपारू ॥
करनधार तुम्ह अवध-जहाजू । चढ़ेउ सकल प्रिय पथिक समाजू ॥

nātha samujhi mana kariya bicārū | rāma biyoga payodhi apārū ||
karanadhāra tumha avadha-jahājū | car̤heu sakala priya pathika samājū ||

धीरज धरिय त पाइअ पारू । नाहिँ त बूड़िहि सब परिवारू ॥
जौं जियँ धरिय बिनय पिय मोरी । राम-लखन-सिय मिलहिँ बहोरी ॥

dhīraja dhariya ta pāia pārū | nāhim̐ ta būr̤ihi saba parivārū ||
jauṃ jiyam̐ dhariya binaya piya morī | rāma-lakhana-siya milahim̐ bahorī ||