अध्याय 146: सुमन्त्र क्या उत्तर देंगे

पुछिहहिँ दीन दुखित सब माता । कहब काह मैं तिन्हहिँ बिधाता ॥
पूछिहि जबहिँ लखन महँतारी । कहिहउँ कवन सँदेस सुखारी ॥

puchihahim̐ dīna dukhita saba mātā | kahaba kāha maiṃ tinhahim̐ bidhātā ||
pūchihi jabahim̐ lakhana maham̐tārī | kahihaum̐ kavana sam̐desa sukhārī ||

राम-जननि जब आइहि धाई । सुमिरि बच्छ जिमि धेनु लवाई ॥
पूँछत उतरु देब मैं तेही । गे बनु राम-लखन-बैदेही ॥

rāma-janani jaba āihi dhāī | sumiri baccha jimi dhenu lavāī ||
pūm̐chata utaru deba maiṃ tehī | ge banu rāma-lakhana-baidehī ||

जोइ पूँछिहि तेहि ऊतरु देवा । जाइ अवध अब यह सुख लेवा ॥
पूँछिहि जबहिँ राउ दुख दीना । जिवन जासु रघुनाथ अधीना ॥

joi pūm̐chihi tehi ūtaru devā | jāi avadha aba yaha sukha levā ||
pūm̐chihi jabahim̐ rāu dukha dīnā | jivana jāsu raghunātha adhīnā ||

देहउँ उतर कवन मुँह लाई । आयउँ कुसल कुअँर पहुँचाई ॥
सुनत लखन-सिय-राम सँदेसू । तृन जिमि तनु परिहरिहि नरेसू ॥

dehaum̐ utara kavana mum̐ha lāī | āyaum̐ kusala kuam̐ra pahum̐cāī ||
sunata lakhana-siya-rāma sam̐desū | tṛna jimi tanu pariharihi naresū ||