अध्याय 147: सूना रथ रात में अवध पहुँचा

एहि बिधि करत पन्थ पछितावा । तमसा-तीर तुरत रथ आवा ॥
बिदा किये करि बिनय निषादा । फिरे पायँ परि बिकल-बिषादा ॥

ehi bidhi karata pantha pachitāvā | tamasā-tīra turata ratha āvā ||
bidā kiye kari binaya niṣādā | phire pāyam̐ pari bikala-biṣādā ||

पैठत नगर सचिव सकुचाई । जनु मारेसि गुरु-बाँभन-गाई ॥
बैठि बिटप तर दिवस गवाँवा । साँझ समय तब अवसर पावा ॥

paiṭhata nagara saciva sakucāī | janu māresi guru-bām̐bhana-gāī ||
baiṭhi biṭapa tara divasa gavām̐vā | sām̐jha samaya taba avasara pāvā ||

अवध प्रबेस कीन्ह अँधिआरें । पैठ भवन रथ राखि दुआरें ॥
जिन्ह जिन्ह समाचार सुनि पाये । भूप द्वार रथ देखन आये ॥

avadha prabesa kīnha am̐dhiāreṃ | paiṭha bhavana ratha rākhi duāreṃ ||
jinha jinha samācāra suni pāye | bhūpa dvāra ratha dekhana āye ||

रथ पहिचानि बिकल लखि घोरे । गरहिं गात जिमि आतप ओरे ॥
नगर नारि-नर ब्याकुल, कैसे । निघटत नीर मीन-गन जैसे ॥

ratha pahicāni bikala lakhi ghore | garahiṃ gāta jimi ātapa ore ||
nagara nāri-nara byākula, kaise | nighaṭata nīra mīna-gana jaise ||