अध्याय 145: अयोध्या का सामना करने का भय

जिमि कुलीन तिय साधु सयानी । पतिदेवता करम-मन-बानी ॥
रहइ करम-बस परिहरि नाहू । सचिव हृदयँ तिमि दारुन दाहु ॥

jimi kulīna tiya sādhu sayānī | patidevatā karama-mana-bānī ||
rahai karama-basa parihari nāhū | saciva hṛdayam̐ timi dāruna dāhu ||

लोचन सजल डीठि भइ थोरी । सुनइ न स्रवन विकल मति भोरी ॥
सूखहिं अधर लागि मुहँ लाटी । जिउ न जाइ उर अवधि कपाटी ॥

locana sajala ḍīṭhi bhai thorī | sunai na sravana vikala mati bhorī ||
sūkhahiṃ adhara lāgi muham̐ lāṭī | jiu na jāi ura avadhi kapāṭī ||

बिबरन भयउ न जाइ निहारी । मारेसि मनहुँ पिता महतारी ॥
हानि गलानि बिपुल मन ब्यापी । जमपुर पन्थ सोच जिमि पापी ॥

bibarana bhayau na jāi nihārī | māresi manahum̐ pitā mahatārī ||
hāni galāni bipula mana byāpī | jamapura pantha soca jimi pāpī ||

बचन न आव हृदयँ पछिताई । अवध काह मैं देखब जाई ॥
राम रहित रथ देखिहि जोई । सकुचिहि मोहि बिलोकत सोई ॥

bacana na āva hṛdayam̐ pachitāī | avadha kāha maiṃ dekhaba jāī ||
rāma rahita ratha dekhihi joī | sakucihi mohi bilokata soī ||