अध्याय 14: मन्थरा का पहला डंक, कैकेयी की फटकार

कत सिख देइ हमहिँ कोउ माई । गाल करब केहि कर बल पाई ॥
रामहिँ छाड़ि कुसल केहि आजू । जेहि जनेस देइ जुबराजू ॥

kata sikha dei hamahim̐ kou māī | gāla karaba kehi kara bala pāī ||
rāmahim̐ chār̤i kusala kehi ājū | jehi janesa dei jubarājū ||

भयउ कौसिलहि बिधि अति दाहिन । देखत गरब रहत उर नाहिन ॥
देखेहु कस न जाइ सब सोभा । जो अवलोकि भोर मन छोभा ॥

bhayau kausilahi bidhi ati dāhina | dekhata garaba rahata ura nāhina ||
dekhehu kasa na jāi saba sobhā | jo avaloki bhora mana chobhā ||

पूत बिदेस न सोच तुम्हारें । जानति हहु बस नाह हमारें ॥
नींद बहुत प्रिय सेज तुराई । लखहु न भूप कपट चतुराई ॥

pūta bidesa na soca tumhāreṃ | jānati hahu basa nāha hamāreṃ ||
nīṃda bahuta priya seja turāī | lakhahu na bhūpa kapaṭa caturāī ||

सुनि प्रिय बचन मलिन मनु जानी । झुकी रानि अब रहु अरगानी ॥
पुनि अस कबहुँ कहसि घरफोरी । तब धरि जीभ कढ़ावउँ तोरी ॥

suni priya bacana malina manu jānī | jhukī rāni aba rahu aragānī ||
puni asa kabahum̐ kahasi gharaphorī | taba dhari jībha kar̤hāvaum̐ torī ||