अध्याय 13: उत्सव देखकर मन्थरा का जलना

दीख मन्थरा नगर बनावा । मञ्जुल मङ्गल बाज बधावा ॥
पूछेसि लोगन्ह काह उछाहू । राम-तिलक सुनि भा उर दाहू ॥

dīkha mantharā nagara banāvā | mañjula maṅgala bāja badhāvā ||
pūchesi loganha kāha uchāhū | rāma-tilaka suni bhā ura dāhū ||

करइ बिचार कुबुद्धि कुजाती । होइ अकाज कवनि बिधि राता ॥
देखि लागि मधु कुटिल किराती । जिमि गवँ तकइ लेउँ केहि भाँती ॥

karai bicāra kubuddhi kujātī | hoi akāja kavani bidhi rātā ||
dekhi lāgi madhu kuṭila kirātī | jimi gavam̐ takai leum̐ kehi bhām̐tī ||

भरत-मातु पहिँ गइ बिलखानी । का अनमनि हसि कह हँसि रानी ॥
उतरु देइ न लेइ उसासू । नारि चरित करि ढारइ आँसू ॥

bharata-mātu pahim̐ gai bilakhānī | kā anamani hasi kaha ham̐si rānī ||
utaru dei na lei usāsū | nāri carita kari ḍhārai ām̐sū ||

हँसि कह रानि गाल बड़ तोरें । दीन्ह लखन सिख अस मन मोरें ॥
तबहुँ न बोल चेरि बड़ि पापिनि । छाड़इ स्वास कारि जनु साँपिनि ॥

ham̐si kaha rāni gāla bar̤a toreṃ | dīnha lakhana sikha asa mana moreṃ ||
tabahum̐ na bola ceri bar̤i pāpini | chār̤ai svāsa kāri janu sām̐pini ||