अध्याय 15: कैकेयी का श्रीराम के प्रति स्नेह

प्रियबादिनि सिख दीन्हिउँ तोही । सपनेहुँ तो पर कोप न मोही ॥
सुदिन सुमङ्गल-दायक सोई । तोर कहा फुर जेहि दिन होई ॥

priyabādini sikha dīnhium̐ tohī | sapanehum̐ to para kopa na mohī ||
sudina sumaṅgala-dāyaka soī | tora kahā phura jehi dina hoī ||

जेठ स्वामि सेवक लघु भाई । यह दिनकर-कुल-रीति सुहाई ॥
राम-तिलक जौँ साँचेहुँ काली । देउँ माँगु मन-भावत आली ॥

jeṭha svāmi sevaka laghu bhāī | yaha dinakara-kula-rīti suhāī ||
rāma-tilaka jaum̐ sām̐cehum̐ kālī | deum̐ mām̐gu mana-bhāvata ālī ||

कौसल्या सम सब महँतारी । रामहिँ सहज सुभायँ पियारी ॥
मो पर करहिँ सनेह बिसेखी । मैँ करि प्रीति परीछा देखी ॥

kausalyā sama saba maham̐tārī | rāmahim̐ sahaja subhāyam̐ piyārī ||
mo para karahim̐ saneha bisekhī | maim̐ kari prīti parīchā dekhī ||

जौं बिधि जनम देइ करि छोहू । होहु राम-सिय पूत-पुतोहू ॥
प्रान तेँ अधिक राम प्रिय मोरें । तिन्ह कें तिलक छोभ कस तोरें ॥

jauṃ bidhi janama dei kari chohū | hohu rāma-siya pūta-putohū ||
prāna tem̐ adhika rāma priya moreṃ | tinha keṃ tilaka chobha kasa toreṃ ||