अध्याय 138: समस्त सृष्टि चित्रकूट का यश गाती है

केरि केहरि कपि कोल कुरङ्गा । बिगत बैर बिचरहिं सब सङ्गा ॥
फिरत अहेर राम छबि देखी । होहिं मुदित मृगबन्द बिसेखी ॥

keri kehari kapi kola kuraṅgā | bigata baira bicarahiṃ saba saṅgā ||
phirata ahera rāma chabi dekhī | hohiṃ mudita mṛgabanda bisekhī ||

बिबुध-बिपिन जहँ लगि जग माहीं । देखि राम-बन सकल सिहाहीं ॥
सुरसरि सरसइ दिनकर-कन्या । मेकल सुता गोदावरि धन्या ॥

bibudha-bipina jaham̐ lagi jaga māhīṃ | dekhi rāma-bana sakala sihāhīṃ ||
surasari sarasai dinakara-kanyā | mekala sutā godāvari dhanyā ||

सब सर सिन्धु नदी नद नाना । मन्दाकिनि कर करहिँ बखाना ॥
उदय-अस्त-गिरि अरु कैलासू । मन्दर मेरु सकल-सुर-बासू ॥

saba sara sindhu nadī nada nānā | mandākini kara karahim̐ bakhānā ||
udaya-asta-giri aru kailāsū | mandara meru sakala-sura-bāsū ||

सैल हिमाचल आदिक जेते । चित्रकूट जस गावहिँ तेते ॥
बिन्धि मुदित मन सुख न समाई । सम बिनु बिपुल बड़ाई पाई ॥

saila himācala ādika jete | citrakūṭa jasa gāvahim̐ tete ||
bindhi mudita mana sukha na samāī | sama binu bipula bar̤āī pāī ||