अध्याय 137: श्रीराम के निवास से वन खिल उठा

रामहि केवल प्रेम पियारा । जानि लेउ जो जाननिहारा ॥
राम सकल बनचर तब तोषे । कहि मृदु बचन प्रेम परिपोषे ॥

rāmahi kevala prema piyārā | jāni leu jo jānanihārā ||
rāma sakala banacara taba toṣe | kahi mṛdu bacana prema paripoṣe ||

बिदा किये सिर नाइ सिधाये । प्रभु गुन कहत सुनत घर आये ॥
एहि बिधि सिय समेत दोउ भाई । बसहिँ बिपिन सुर-मुनि-सुखदाई ॥

bidā kiye sira nāi sidhāye | prabhu guna kahata sunata ghara āye ||
ehi bidhi siya sameta dou bhāī | basahim̐ bipina sura-muni-sukhadāī ||

जब ते आइ रहे रघुनायक । तब तैं भयउ धन मङ्गल दायक ॥
फूलहिँ फलहिँ बिटप बिधि नाना । मञ्जु-बलित-बर-बेलि-बिताना ॥

jaba te āi rahe raghunāyaka | taba taiṃ bhayau dhana maṅgala dāyaka ||
phūlahim̐ phalahim̐ biṭapa bidhi nānā | mañju-balita-bara-beli-bitānā ||

सुरतरु सरिस सुभायँ सुहाये । मनहुँ बिबुध बन परिहरि आये ॥
गंज मंजुतर मधुकर-श्रेनी । त्रिबिधि बयारि बहइ सुख देनी ॥

surataru sarisa subhāyam̐ suhāye | manahum̐ bibudha bana parihari āye ||
gaṃja maṃjutara madhukara-śrenī | tribidhi bayāri bahai sukha denī ||