अध्याय 139: चित्रकूट में लक्ष्मण की सेवा

नयनवंत रघुबरहि बिलोकी । पाइ जनम फल होहिँ बिसोकी ॥
परसि चरन-रज अचर सुखारी । भये परम पद के अधिकारी ॥

nayanavaṃta raghubarahi bilokī | pāi janama phala hohim̐ bisokī ||
parasi carana-raja acara sukhārī | bhaye parama pada ke adhikārī ||

से बन सैल सुभायँ सुहावन । मङ्गल-मय अति पावन पावन ॥
महिमा कहिय कवनि बिधि तासू । सुख सागर जहँ कीन्ह निवासू ॥

se bana saila subhāyam̐ suhāvana | maṅgala-maya ati pāvana pāvana ||
mahimā kahiya kavani bidhi tāsū | sukha sāgara jaham̐ kīnha nivāsū ||

पय-पयोधि तजि अवध बिहाई । जहँ सिय-लखन-राम रहे आई ॥
कहि न सकहिँ सुखमा जसि कानन । जौँ सत-सहस होहिं सहसानन ॥

paya-payodhi taji avadha bihāī | jaham̐ siya-lakhana-rāma rahe āī ||
kahi na sakahim̐ sukhamā jasi kānana | jaum̐ sata-sahasa hohiṃ sahasānana ||

सो मैं बरनि कहउँ बिधि केहीं । डाबर कमठ कि मन्दर लेहीं ॥
सेवहिँ लखन करम मन-बानी । जाइ न सील सनेह बखानी ॥

so maiṃ barani kahaum̐ bidhi kehīṃ | ḍābara kamaṭha ki mandara lehīṃ ||
sevahim̐ lakhana karama mana-bānī | jāi na sīla saneha bakhānī ||