अध्याय 128: पहले निवास: कान और नेत्र

सुनि मुनि बचन प्रेम-रस-साने । सकुचि राम मन महँ मुसुकाने ॥
बालमीकि हँसि कहहिं बहोरी । बानी मधुर अमिय-रस बोरी ॥

suni muni bacana prema-rasa-sāne | sakuci rāma mana maham̐ musukāne ||
bālamīki ham̐si kahahiṃ bahorī | bānī madhura amiya-rasa borī ||

सुनहु राम अब कहउँ निकेता । जहाँ बसहु सिय-लखन-समेता ॥
जिन्ह के सवन समुद्र समाना । कथा तुम्हारि सुभग सरि नाना ॥

sunahu rāma aba kahaum̐ niketā | jahām̐ basahu siya-lakhana-sametā ||
jinha ke savana samudra samānā | kathā tumhāri subhaga sari nānā ||

भरहिं निरन्तर होहिं न पूरे । तिन्ह के हिय तुम्ह कह गृह रूरे ॥
लोचन चातक जिन्ह करि राखे । रहहिं दरस जलधर अभिलाखे ॥

bharahiṃ nirantara hohiṃ na pūre | tinha ke hiya tumha kaha gṛha rūre ||
locana cātaka jinha kari rākhe | rahahiṃ darasa jaladhara abhilākhe ||

निदरहिँ सरित-सिन्धु-सर भारी । रूप-बिन्दु-जल होहिँ सुखारी ॥
तिन्ह के हृदय सदन सुखदायक । बसहु बन्धु-सिय-सह रघुनायक ॥

nidarahim̐ sarita-sindhu-sara bhārī | rūpa-bindu-jala hohim̐ sukhārī ||
tinha ke hṛdaya sadana sukhadāyaka | basahu bandhu-siya-saha raghunāyaka ||