अध्याय 125: वाल्मीकि द्वारा श्रीराम का अतिथि सत्कार

मुनि कहँ राम दंडवत कीन्हा । आसिरबाद बिप्रबर दीन्हा ॥
देखि राम-छबि नयन जुड़ाने । करि सनमान आश्रमहिं आने ॥

muni kaham̐ rāma daṃḍavata kīnhā | āsirabāda biprabara dīnhā ||
dekhi rāma-chabi nayana jur̤āne | kari sanamāna āśramahiṃ āne ||

मुनिबर अतिथि प्रान-प्रिय पाये । कन्द मूल फल मधुर मगाए ॥
सिय-सौमित्रि-राम फल खाये । तब मुनि आसन दिये सुहाये ॥

munibara atithi prāna-priya pāye | kanda mūla phala madhura magāe ||
siya-saumitri-rāma phala khāye | taba muni āsana diye suhāye ||

बालमीकि मन आनंद भारी । मङ्गल-मूरति नयन निहारी ॥
तब कर-कमल जोरि रघुराई । बोले बचन स्त्रवन सुखदाई ॥

bālamīki mana ānaṃda bhārī | maṅgala-mūrati nayana nihārī ||
taba kara-kamala jori raghurāī | bole bacana stravana sukhadāī ||

तुम्ह त्रिकाल-दरसी मुनिनाथा । बिस्व बदर जिमि तुम्हारे हाथ ॥
अस कहि प्रभु सब कथा बखानी । जेहि जेहि भाँति दीन्ह बन रानी ॥

tumha trikāla-darasī munināthā | bisva badara jimi tumhāre hātha ||
asa kahi prabhu saba kathā bakhānī | jehi jehi bhām̐ti dīnha bana rānī ||