अध्याय 124: वाल्मीकि मुनि के आश्रम में आगमन

अजहुँ जासु उर सपनेहुँ काऊ । बसहुँ लखन-सिय-राम बटाऊ ॥
राम धाम पथ पाइहि सोई । जो पथ पाव कबहुँ मुनि कोई ॥

ajahum̐ jāsu ura sapanehum̐ kāū | basahum̐ lakhana-siya-rāma baṭāū ||
rāma dhāma patha pāihi soī | jo patha pāva kabahum̐ muni koī ||

तब रघुबीर श्रमित सिय जानी । देखि निकट बट सीतल पानी ॥
तहँ बसि कन्द मूल फल खाई । प्रात नहाइ चले रघुराई ॥

taba raghubīra śramita siya jānī | dekhi nikaṭa baṭa sītala pānī ||
taham̐ basi kanda mūla phala khāī | prāta nahāi cale raghurāī ||

देखत बन सर सैल सुहाये । बालमीकि आश्रम प्रभु आये ॥
राम दीख मुनि-बास सुहावन । सुन्दर गिरि कानन जल पावन ॥

dekhata bana sara saila suhāye | bālamīki āśrama prabhu āye ||
rāma dīkha muni-bāsa suhāvana | sundara giri kānana jala pāvana ||

सरनि सरोज बिटप बन फूले । गुञ्जत मज्जु मधुप रस भूले ॥
खग-मृग-बिपुल कोलाहल करहीं । विरहित बैर मुदित मन चरहीं ॥

sarani saroja biṭapa bana phūle | guñjata majju madhupa rasa bhūle ||
khaga-mṛga-bipula kolāhala karahīṃ | virahita baira mudita mana carahīṃ ||