अध्याय 122: हर गाँव धन्य, जहाँ से वे गुजरे

गाँव गाँव अस होइ अनन्दू । देखि भानुकुल-कैरव-चन्दू ॥
जे कछु समाचार सुनि पावहिं । ते नृप-रानिहि दोष लगावहिँ ॥

gām̐va gām̐va asa hoi anandū | dekhi bhānukula-kairava-candū ||
je kachu samācāra suni pāvahiṃ | te nṛpa-rānihi doṣa lagāvahim̐ ||

कहहिँ एक अति अल नरनाहू । दीन्ह हमहिं जोइ लोचन लाहू ॥
कहहिँ परसपर लोग लोगाईं । बातें सरल सनेह सुहाईं ॥

kahahim̐ eka ati ala naranāhū | dīnha hamahiṃ joi locana lāhū ||
kahahim̐ parasapara loga logāīṃ | bāteṃ sarala saneha suhāīṃ ||

ते पितु-मातु धन्य जिन्ह जाये । धन्य सो नगर जहाँ तेँ आये ॥
धन्य सी देस-सैल-बन-गाऊँ । जहँ जहँ जाहिँ धन्य सोइ ठाऊँ ॥

te pitu-mātu dhanya jinha jāye | dhanya so nagara jahām̐ tem̐ āye ||
dhanya sī desa-saila-bana-gāūm̐ | jaham̐ jaham̐ jāhim̐ dhanya soi ṭhāūm̐ ||

सुख पायउ बिरञ्चि रचि तेही । ये जेहि के सब भाँति सनेही ॥
राम-लखन-पथि कथा सुहाई । रही सकल मग कानन छाई ॥

sukha pāyau birañci raci tehī | ye jehi ke saba bhām̐ti sanehī ||
rāma-lakhana-pathi kathā suhāī | rahī sakala maga kānana chāī ||