अध्याय 123: दोनों भाइयों के बीच चलती सीता

आगे राम लखन बने पाछें । तापस-बेष बिराजत काछें ॥
उभय बीच सिय सोहति कैसे । ब्रह्म जीव बिच माया जैसे ॥

āge rāma lakhana bane pācheṃ | tāpasa-beṣa birājata kācheṃ ||
ubhaya bīca siya sohati kaise | brahma jīva bica māyā jaise ||

बहुरि कहउँ छबि जसि मन बसई । जनु मधु-मदन मध्य रति लसई ॥
उपमा बहुरि कहउँ जियँ जोही । जनु बुध-बिधु बिच रोहिनि सोही ॥

bahuri kahaum̐ chabi jasi mana basaī | janu madhu-madana madhya rati lasaī ||
upamā bahuri kahaum̐ jiyam̐ johī | janu budha-bidhu bica rohini sohī ||

प्रभु-पद-रेख बीच बीच सीता । धरति चरन मग चलति सभीता ॥
सीय-राम-पद अङ्क बराये । लखन चलहिँ मग दाहिन लाये ॥

prabhu-pada-rekha bīca bīca sītā | dharati carana maga calati sabhītā ||
sīya-rāma-pada aṅka barāye | lakhana calahim̐ maga dāhina lāye ||

राम-लखन-सिय प्रीति सुहाई । बचन अगोचर किमि कहि जाई ॥
खग-मृग-मगन देखि छवि होहीँ । लिये चोरि चित राम बटोहीं ॥

rāma-lakhana-siya prīti suhāī | bacana agocara kimi kahi jāī ||
khaga-mṛga-magana dekhi chavi hohīm̐ | liye cori cita rāma baṭohīṃ ||