अध्याय 121: स्त्रियों की कामना, मार्ग फूलों का होता

नारि सनेह बिकल बस होहीँ । चकई साँझ समय जनु सोहीं ॥
मृदु पद-कमल कठिन मग जानी । गहबरि हृदयँ कहहिँ बर बानी ॥

nāri saneha bikala basa hohīm̐ | cakaī sām̐jha samaya janu sohīṃ ||
mṛdu pada-kamala kaṭhina maga jānī | gahabari hṛdayam̐ kahahim̐ bara bānī ||

परसत मृदुल-चरन अरुनारे । सकुचति महि जिमि हृदय हमारे ॥
जौँ जगदीस इन्हहि बन दीन्हा । कस न सुमन-मयमारग कीन्हा ॥

parasata mṛdula-carana arunāre | sakucati mahi jimi hṛdaya hamāre ||
jaum̐ jagadīsa inhahi bana dīnhā | kasa na sumana-mayamāraga kīnhā ||

जौँ माँगा पाइअ बिधि पाहीँ । ये रखिअहिं सखि आँखिन्ह माहीँ ॥
जे नर नारि न अवसर आये । तिन्ह सिय राम न देखन पाये ॥

jaum̐ mām̐gā pāia bidhi pāhīm̐ | ye rakhiahiṃ sakhi ām̐khinha māhīm̐ ||
je nara nāri na avasara āye | tinha siya rāma na dekhana pāye ||

सुनि सुरूप बूझहिँ अकुलाई । अब लगि गये कहाँ लगि भाई ॥
समरथ धाइ बिलोकहिँ जाई । प्रमुदित फिरहिँ जनम फल पाई ॥

suni surūpa būjhahim̐ akulāī | aba lagi gaye kahām̐ lagi bhāī ||
samaratha dhāi bilokahim̐ jāī | pramudita phirahim̐ janama phala pāī ||