अध्याय 118: सीता का स्नेह और लोगों का मार्ग बताना

पारबती सम पति प्रिय होहू । देबि न हम पर छाड़ब छोहू ॥
पुनि पुनि बिनय करिय कर जोरी । जौं एहि मारग फिरिअ बहोरी ॥

pārabatī sama pati priya hohū | debi na hama para chār̤aba chohū ||
puni puni binaya kariya kara jorī | jauṃ ehi māraga phiria bahorī ||

दरसन देव जानि निज-दासी । लखीं सीयँ सब प्रेम-पिआसी ॥
मधुर बचन कहि कहि परितोषीं । जनु कुमुदिनीं कौमुदीं पोषीं ॥

darasana deva jāni nija-dāsī | lakhīṃ sīyam̐ saba prema-piāsī ||
madhura bacana kahi kahi paritoṣīṃ | janu kumudinīṃ kaumudīṃ poṣīṃ ||

तबहिं लखन रघुबर रुख जानी । पूछेउ मग लोगन्हि मृदु बानी ॥
सुनत नारि-नर भये दुखारी । पुलकित गात बिलोचन बारी ॥

tabahiṃ lakhana raghubara rukha jānī | pūcheu maga loganhi mṛdu bānī ||
sunata nāri-nara bhaye dukhārī | pulakita gāta bilocana bārī ||

मिटा मोद मन भये मलीने । विधि निधि दीन्ह लेत जनु छीने ॥
समुझि करम-गति धीरज कीन्हा । सोधि सुगम मगु तिन्ह कहि दीन्हा ॥

miṭā moda mana bhaye malīne | vidhi nidhi dīnha leta janu chīne ||
samujhi karama-gati dhīraja kīnhā | sodhi sugama magu tinha kahi dīnhā ||