अध्याय 117: सीता ने संकेत से बताया कौन हैं श्रीराम

कोटि मनोज लजावनिहारे । सुमुखि कहहु को आहिं तुम्हारे ॥
सुनि सनेहमय मञ्जुल-बानी । सकुची सिय मन महँ मुसुकानी ॥

koṭi manoja lajāvanihāre | sumukhi kahahu ko āhiṃ tumhāre ||
suni sanehamaya mañjula-bānī | sakucī siya mana maham̐ musukānī ||

तिन्हहिँ बिलोकि बिलोकति धरनी । दुहुँ सकोच सकुचित बरबरनी ॥
सकुचि सप्रेम बाल मृग नयनी । बोली मधुर बचन पिकबयनी ॥

tinhahim̐ biloki bilokati dharanī | duhum̐ sakoca sakucita barabaranī ||
sakuci saprema bāla mṛga nayanī | bolī madhura bacana pikabayanī ||

सहज सुभाय सुभग तन गोरे । नाम लखन लघु देवर मोरे ॥
बहुरि बदन-बिधु अञ्चल ढाँकी । पिय-तन चितइ भौंह करि बाँकी ॥

sahaja subhāya subhaga tana gore | nāma lakhana laghu devara more ||
bahuri badana-bidhu añcala ḍhām̐kī | piya-tana citai bhauṃha kari bām̐kī ||

खंजन मञ्जु तिरीछे नयननि । निज पति कहेउ तिन्हहि सियँ सयननि ॥
भई मुदित सब ग्रामबधूटीं । रङ्कन्ह राय-रासि जनु लूटीं ॥

khaṃjana mañju tirīche nayanani | nija pati kaheu tinhahi siyam̐ sayanani ||
bhaī mudita saba grāmabadhūṭīṃ | raṅkanha rāya-rāsi janu lūṭīṃ ||