अध्याय 119: लौटते ग्रामवासियों का विधाता को उलाहना

फिरत नारि-नर अति पछि ताहीं । देअहि, दोष देहिँ मन माहीं ॥
सहित बिषाद परसपर कहहीं । बिधि करतब उलटे सब अहहीँ ॥

phirata nāri-nara ati pachi tāhīṃ | deahi, doṣa dehim̐ mana māhīṃ ||
sahita biṣāda parasapara kahahīṃ | bidhi karataba ulaṭe saba ahahīm̐ ||

निपट निरङ्कुस निठुर निसंकू । जेहिं ससि कीन्ह सरुज सकलंकू ॥
रूख-कलपतरु सागर खारा । तेहिं पठये बन राजकुमारा ॥

nipaṭa niraṅkusa niṭhura nisaṃkū | jehiṃ sasi kīnha saruja sakalaṃkū ||
rūkha-kalapataru sāgara khārā | tehiṃ paṭhaye bana rājakumārā ||

जौं पै इन्हहिँ दीन्ह बनबासू । कीन्हि बादि बिधि भोग-बिलासू ॥
ये बिचरहिँ मग बिनु पदत्राना । रचे बादि बिधि बाहन नाना ॥

jauṃ pai inhahim̐ dīnha banabāsū | kīnhi bādi bidhi bhoga-bilāsū ||
ye bicarahim̐ maga binu padatrānā | race bādi bidhi bāhana nānā ||

ये महि परहिँ डासि कुस पाता । सुभग-सेज कत सृजत बिधाता ॥
तरुबर-बास इन्हहिँ बिधि दीन्हा । धवल-धाम रचि रचि श्रमु कीन्हा ॥

ye mahi parahim̐ ḍāsi kusa pātā | subhaga-seja kata sṛjata bidhātā ||
tarubara-bāsa inhahim̐ bidhi dīnhā | dhavala-dhāma raci raci śramu kīnhā ||