अध्याय 113: रामपथ के स्थानों से देवलोक भी सिहाता

जे पुर गाँव बसहिँ मग माहीं । तिन्हहिँ नाग-सुर नगर सिहाहीं ॥
केहि सुकृतीं केहि घरीं बसाये । धन्य पुन्य मय परम सुहाये ॥

je pura gām̐va basahim̐ maga māhīṃ | tinhahim̐ nāga-sura nagara sihāhīṃ ||
kehi sukṛtīṃ kehi gharīṃ basāye | dhanya punya maya parama suhāye ||

जहँ जहँ राम चरन चलि जाहीँ । तिन्ह समान अमरावति नाहीँ ॥
पुन्य पुज्ज मग निकट निवासी । तिन्हहिँ सराहहिँ सुरपुरबासी ॥

jaham̐ jaham̐ rāma carana cali jāhīm̐ | tinha samāna amarāvati nāhīm̐ ||
punya pujja maga nikaṭa nivāsī | tinhahim̐ sarāhahim̐ surapurabāsī ||

जे भरि नयन बिलोकहिँ रामहि । सीला लखन सहित घनस्यामहि ॥
जे सर सरित राम अवगाहहिं । तिन्हहिं देव सर सरित सराहहिँ ॥

je bhari nayana bilokahim̐ rāmahi | sīlā lakhana sahita ghanasyāmahi ||
je sara sarita rāma avagāhahiṃ | tinhahiṃ deva sara sarita sarāhahim̐ ||

जेहि तरु तर प्रभु बैठहिँ जाई । करहिँ, कलपतरु तासु बड़ाई ॥
परसि राम-पद-पदुम परागा । मानति भूमि भूरि निज भागा ॥

jehi taru tara prabhu baiṭhahim̐ jāī | karahim̐, kalapataru tāsu bar̤āī ||
parasi rāma-pada-paduma parāgā | mānati bhūmi bhūri nija bhāgā ||