अध्याय 112: मार्ग के पथिकों की साथ चलने की विनती

पुनि सियँ-राम-लखन कर जोरी । जमुनहि कीन्ह प्रनाम बहोरी ॥
चले ससीय मुदित दोउ भाई । रबितनुजा कइ करत बड़ाई ॥

puni siyam̐-rāma-lakhana kara jorī | jamunahi kīnha pranāma bahorī ||
cale sasīya mudita dou bhāī | rabitanujā kai karata bar̤āī ||

पथिक अनेक मिलहिँ मग जाता । कहहिँ सप्रेम देखि दोउ भ्राता ॥
राज-लखन सब अङ्ग तुम्हारें । देखि सोच अति हृदय हमारें ॥

pathika aneka milahim̐ maga jātā | kahahim̐ saprema dekhi dou bhrātā ||
rāja-lakhana saba aṅga tumhāreṃ | dekhi soca ati hṛdaya hamāreṃ ||

मारग चलहु पयादेहि पाये । ज्योतिष झूठ हमारें भाएँ ॥
अगम पन्थ गिरि कानन भारी । तेहि महँ साथ नारि सुकुमारी ॥

māraga calahu payādehi pāye | jyotiṣa jhūṭha hamāreṃ bhāem̐ ||
agama pantha giri kānana bhārī | tehi maham̐ sātha nāri sukumārī ||

करि केहरि बन जाइ न जोई । हम सँग चलहिं जो आयसु होई ॥
जाब जहाँ लगि तहँ पहुँचाई । फिरब बहोरि तुम्हहिँ सिर नाई ॥

kari kehari bana jāi na joī | hama sam̐ga calahiṃ jo āyasu hoī ||
jāba jahām̐ lagi taham̐ pahum̐cāī | phiraba bahori tumhahim̐ sira nāī ||