अध्याय 111: तापस से मिलन और गुह की विदाई

राम सप्रेम पुलकि उर लावा । परम रङ्क जनु पारस पावा ॥
मनहुँ प्रेम परमारथ दोऊ । मिलत धरे तन कह सब कोऊ ॥

rāma saprema pulaki ura lāvā | parama raṅka janu pārasa pāvā ||
manahum̐ prema paramāratha doū | milata dhare tana kaha saba koū ||

बहुरि लखन पायन्ह सोइ लागा । लीन्ह उठाइ उमगि अनुरागा ॥
पुनि सिय-चरन-धूरि धरि सीसा । जननि जानि सिसु दीन्हि असीसा ॥

bahuri lakhana pāyanha soi lāgā | līnha uṭhāi umagi anurāgā ||
puni siya-carana-dhūri dhari sīsā | janani jāni sisu dīnhi asīsā ||

कीन्ह निषाद दंडवत तेही । मिलेउ मुदित लखि राम-सनेही ॥
पिअत नयन-पुट रूप-पियूखा । मुदित सुअसन पाइ जिमि भूखा ॥

kīnha niṣāda daṃḍavata tehī | mileu mudita lakhi rāma-sanehī ||
piata nayana-puṭa rūpa-piyūkhā | mudita suasana pāi jimi bhūkhā ||

ते पितु मातु कहहु सखि कैसे । जिन्ह पठये बन बालक ऐसे ॥
राम-लखन-सिय रूप निहारी । होहिं सनेह बिकल नर-नारी ॥

te pitu mātu kahahu sakhi kaise | jinha paṭhaye bana bālaka aise ||
rāma-lakhana-siya rūpa nihārī | hohiṃ saneha bikala nara-nārī ||