अध्याय 108: परस्पर आदर और प्रयागवासियों का दर्शन

सुनि मुनि बचन राम सकुचाने । भाव भगति आनन्द अघाने ॥
तब रघुबर मुनि सुजस सुहावा । कोटि भाँति कहि सबहि सुनावा ॥

suni muni bacana rāma sakucāne | bhāva bhagati ānanda aghāne ||
taba raghubara muni sujasa suhāvā | koṭi bhām̐ti kahi sabahi sunāvā ||

सो बड़ सो सब गुन-गन-गेहू । जेहि मुनीस तुम्ह आदर देहू ॥
मुनि रघुबीर परसपर नवहीं । बचन-अगोचर सुख अनुभवहीं ॥

so bar̤a so saba guna-gana-gehū | jehi munīsa tumha ādara dehū ||
muni raghubīra parasapara navahīṃ | bacana-agocara sukha anubhavahīṃ ||

यह सुधि पाइ प्रयाग-निवासी । बटु तापस मुनि सिद्ध उदासी ॥
भरद्वाज आश्रम सब आए । देखन दसरथ सुअन सुहाये ॥

yaha sudhi pāi prayāga-nivāsī | baṭu tāpasa muni siddha udāsī ||
bharadvāja āśrama saba āe | dekhana dasaratha suana suhāye ||

राम प्रनाम कीन्ह सब काहू । मुदित भये लहि लोचन-लाहू ॥
देहिँ असीस परम-सुख पाई । फिरे सराहत सुन्दरताई ॥

rāma pranāma kīnha saba kāhū | mudita bhaye lahi locana-lāhū ||
dehim̐ asīsa parama-sukha pāī | phire sarāhata sundaratāī ||