अध्याय 109: मुनि शिष्यों के साथ यमुना तक

राम सप्रेम कहेउ मुनि पाहीँ । नाथ कहिय हम केहि मग जाहीँ ॥
मुनि मन बिहसि राम सन कहहीं । सुगम सकल मग तुम्ह कहँ अहहीं ॥

rāma saprema kaheu muni pāhīm̐ | nātha kahiya hama kehi maga jāhīm̐ ||
muni mana bihasi rāma sana kahahīṃ | sugama sakala maga tumha kaham̐ ahahīṃ ||

साथ लागि मुनि सिष्य बोलाये । सुनि मन मुदित पचासक आये ॥
सबन्हि राम पर प्रेम अपारा । सकल कहहिँ मग दीख हमारा ॥

sātha lāgi muni siṣya bolāye | suni mana mudita pacāsaka āye ||
sabanhi rāma para prema apārā | sakala kahahim̐ maga dīkha hamārā ||

मुनि बटु चारि सङ्ग तब दीन्हे । जिन्ह बहु जनम सुकृत सब कीन्हे ॥
करि प्रनाम रिषि-आयसु पाई । प्रमुदित हृदयँ चले रघुराई ॥

muni baṭu cāri saṅga taba dīnhe | jinha bahu janama sukṛta saba kīnhe ||
kari pranāma riṣi-āyasu pāī | pramudita hṛdayam̐ cale raghurāī ||

ग्राम निकट जब निकसहिं जाई । देखहि दरस नारि-नर धाई ॥
होहि सनाथ जनम-फल पाई । फिरहि दुखित मन सङ्ग पठाई ॥

grāma nikaṭa jaba nikasahiṃ jāī | dekhahi darasa nāri-nara dhāī ||
hohi sanātha janama-phala pāī | phirahi dukhita mana saṅga paṭhāī ||