अध्याय 107: भरद्वाज का सत्कार और प्रेम का वरदान

कुसल प्रस्न करि आसन दीन्हे । पूजि प्रेम-परिपूरन कीन्हे ॥
कन्द मूल फल अङ्कुर नीके । दिये आनि मुनि मनहुँ अमी के ॥

kusala prasna kari āsana dīnhe | pūji prema-paripūrana kīnhe ||
kanda mūla phala aṅkura nīke | diye āni muni manahum̐ amī ke ||

सीय लखन जन सहित सुहाये । अति रुचि राम मूल फल खाये ॥
भये बिगत-खम राम सुखारे । भरद्वाज मृदु-बचन उचारे ॥

sīya lakhana jana sahita suhāye | ati ruci rāma mūla phala khāye ||
bhaye bigata-khama rāma sukhāre | bharadvāja mṛdu-bacana ucāre ||

आजु सुफल तप तीरथ त्यागू । आजु सुफल जप जोग बिरागू ॥
सफल सकल सुभ-साधन-साजू । राम तुम्हहिँ अवलोकत आजू ॥

āju suphala tapa tīratha tyāgū | āju suphala japa joga birāgū ||
saphala sakala subha-sādhana-sājū | rāma tumhahim̐ avalokata ājū ||

लाभ-अवधि सुख-अवधि न दूजी । तुम्हारें दरस आस सब पूजी ॥
अब करि कृपा देहु बर एहू । निज-पद-सरसिज सहज सनेहू ॥

lābha-avadhi sukha-avadhi na dūjī | tumhāreṃ darasa āsa saba pūjī ||
aba kari kṛpā dehu bara ehū | nija-pada-sarasija sahaja sanehū ||