अध्याय 106: त्रिवेणी स्नान और भरद्वाज से भेंट

को कहि सकइ प्रयाग प्रभाऊ । कलुष पुञ्ज कुञ्जर मृगराऊ ॥
अस तीरथपति देखि सुहावा । सुख सागर रघुबर सुख पावा ॥

ko kahi sakai prayāga prabhāū | kaluṣa puñja kuñjara mṛgarāū ||
asa tīrathapati dekhi suhāvā | sukha sāgara raghubara sukha pāvā ||

कहि सिय लखनहिँ सखहि सुनाई । श्रीमुख तीरथराज बड़ाई ॥
करि प्रनामु देखत बन बागा । कहत महातम अति अनुरागा ॥

kahi siya lakhanahim̐ sakhahi sunāī | śrīmukha tīratharāja bar̤āī ||
kari pranāmu dekhata bana bāgā | kahata mahātama ati anurāgā ||

एहि बिधि आइ बिलोकी बेनी । सुमिरत सकल सुमङ्गल-देनी ॥
मुदित नहाइ कीन्हि सिव-सेवा । पूजि जथा-विधि तीरथ-देवा ॥

ehi bidhi āi bilokī benī | sumirata sakala sumaṅgala-denī ||
mudita nahāi kīnhi siva-sevā | pūji jathā-vidhi tīratha-devā ||

तब प्रभु भरद्वाज पहिँ आये । करत दंडवत मुनि उर लाये ॥
मुनि मन मोद न कछु कहि जाई । ब्रह्मानन्द-रासि जनु पाई ॥

taba prabhu bharadvāja pahim̐ āye | karata daṃḍavata muni ura lāye ||
muni mana moda na kachu kahi jāī | brahmānanda-rāsi janu pāī ||