अध्याय 103: सीता की गंगा से प्रार्थना और आशीर्वाद

तब मज्जन करि रघुकुल नाथा । पूजि पारथिव नायउ माथा ॥
सियँ सुरसरिहि कहेउ कर जोरी । मातु मनोरथ पुरउबि मोरी ॥

taba majjana kari raghukula nāthā | pūji pārathiva nāyau māthā ||
siyam̐ surasarihi kaheu kara jorī | mātu manoratha puraubi morī ||

पति-देवर-सँग कुसल बहोरी । आइ करउँ जेहिं पूजा तोरी ॥
सुनि सिय बिनय प्रेम रस सानी । भइ तब बिमल बारि बर बानी ॥

pati-devara-sam̐ga kusala bahorī | āi karaum̐ jehiṃ pūjā torī ||
suni siya binaya prema rasa sānī | bhai taba bimala bāri bara bānī ||

सुनु रघुबीर प्रिया बैदेही । तव प्रभाउ जग बिदित न केही ॥
लोकप होहिं बिलोकत तोरें । तोहि सेवहिं सब सिधि कर जोरें ॥

sunu raghubīra priyā baidehī | tava prabhāu jaga bidita na kehī ||
lokapa hohiṃ bilokata toreṃ | tohi sevahiṃ saba sidhi kara joreṃ ||

तुम्ह जो हमहि बड़ि बिनय सुनाई । कृपा कीन्ह मोहि दीन्हि बड़ाई ॥
तदपि देबि मैं देबि असीसा । सफल होपन हित निज बागीसा ॥

tumha jo hamahi bar̤i binaya sunāī | kṛpā kīnha mohi dīnhi bar̤āī ||
tadapi debi maiṃ debi asīsā | saphala hopana hita nija bāgīsā ||