अध्याय 10: समाचार सुनकर श्रीराम का पछतावा

बरनि राम गुन सील सुभाऊ । बोले प्रेम पुलकि मुनिराऊ ॥
भूप सजेउ अभिषेक-समाजू । चाहत देन तुम्हहिँ जुबराजू ॥

barani rāma guna sīla subhāū | bole prema pulaki munirāū ||
bhūpa sajeu abhiṣeka-samājū | cāhata dena tumhahim̐ jubarājū ||

राम करहु सब सञ्जम आजू । जौँ विधि कुसल निबाहै काजू ॥
गुरु सिख देइ राय पहिँ गयऊ । राम हृदयँ अस बिसमय भयऊ ॥

rāma karahu saba sañjama ājū | jaum̐ vidhi kusala nibāhai kājū ||
guru sikha dei rāya pahim̐ gayaū | rāma hṛdayam̐ asa bisamaya bhayaū ||

जनमे एक सङ्ग सब भाई । भोजन सयन केलि-लरिकाई ॥
करनबेध उपबीत बिआहा । सङ्ग सङ्ग सब भयउ उछाहा ॥

janame eka saṅga saba bhāī | bhojana sayana keli-larikāī ||
karanabedha upabīta biāhā | saṅga saṅga saba bhayau uchāhā ||

बिमल-बंस यह अनुचित एकू । बन्धु बिहाइ बड़ेहि अभिषेकू ॥
प्रभु सप्रेम पछितानि सुहाई । हरउ भगत-मन कै कुटिलाई ॥

bimala-baṃsa yaha anucita ekū | bandhu bihāi bar̤ehi abhiṣekū ||
prabhu saprema pachitāni suhāī | harau bhagata-mana kai kuṭilāī ||