अध्याय 11: नगर की प्रतीक्षा और देवताओं की चाल

बाजहिँ बाजन बिबिध विधाना । पुर-प्रमोद नहिँ जाइ बखाना ॥
भरत आगमन सकल मनावहिँ । आवहु बेगि नयन फल पावहिँ ॥

bājahim̐ bājana bibidha vidhānā | pura-pramoda nahim̐ jāi bakhānā ||
bharata āgamana sakala manāvahim̐ | āvahu begi nayana phala pāvahim̐ ||

हाट बाट घर गलीं अथाई । कहहिँ परसपर लोग लोगाई ॥
कालि लगन भलि केतिक बारा । पूजिहि बिधि अभिलाष हमारा ॥

hāṭa bāṭa ghara galīṃ athāī | kahahim̐ parasapara loga logāī ||
kāli lagana bhali ketika bārā | pūjihi bidhi abhilāṣa hamārā ||

कनक सिँघासन सीय समेता । बैठहिँ राम होइ चित चेता ॥
सकल कहहिँ कब होइहि काली । बिघन मनावहिं देव कुचाली ॥

kanaka sim̐ghāsana sīya sametā | baiṭhahim̐ rāma hoi cita cetā ||
sakala kahahim̐ kaba hoihi kālī | bighana manāvahiṃ deva kucālī ||

तिन्हहिँ सोहाइ न अवध बधावा । चोरहि चन्दिनि-राति न भावा ॥
सारद बोलि बिनय सुर करहीँ । बारहिँ बार पाय लै परहीँ ॥

tinhahim̐ sohāi na avadha badhāvā | corahi candini-rāti na bhāvā ||
sārada boli binaya sura karahīm̐ | bārahim̐ bāra pāya lai parahīm̐ ||