अध्याय 9: हड्डियों का ढेर और श्रीराम की प्रतिज्ञा

अस कहि जोग-अगिनि तनु जारा । राम कृपाँ बैकुंठ सिधारां ॥
ता ते मुनि हरि लीन न भयऊ । प्रथमहिँ भेद-भगति बर लयऊ ॥

asa kahi joga-agini tanu jārā | rāma kṛpām̐ baikuṃṭha sidhārāṃ ||
tā te muni hari līna na bhayaū | prathamahim̐ bheda-bhagati bara layaū ||

रिषि-निकाय मुनिबर-गति देखी । सुखी भए निज हृदयँ विसेखी ॥
अस्तुति करहिं सकल मुनि बृन्दा । जयति प्रनत-हित करुना कन्दा ॥

riṣi-nikāya munibara-gati dekhī | sukhī bhae nija hṛdayam̐ visekhī ||
astuti karahiṃ sakala muni bṛndā | jayati pranata-hita karunā kandā ||

पुनि रघुनाथ चले बन आगे । मुनिवर बृन्द बिपुल सँग लागे ॥
अस्थि समूह देखि रघुराया । पूछा मुनिन्ह लागि अति दाया ॥

puni raghunātha cale bana āge | munivara bṛnda bipula sam̐ga lāge ||
asthi samūha dekhi raghurāyā | pūchā muninha lāgi ati dāyā ||

जानतहू पूछिअ कस स्वामी । सबदरसी तुम्ह अन्तरजामी ॥
निसिचर-निकर सकल मुनि खाये । सुनि रघुनाथ नयन जल छाये ॥

jānatahū pūchia kasa svāmī | sabadarasī tumha antarajāmī ||
nisicara-nikara sakala muni khāye | suni raghunātha nayana jala chāye ||