अध्याय 8: शरभंग प्रभु के सामने देह त्यागते हैं

कह मुनि सुनु रघुबीर कृपाला । सङ्कर मानस राजमराला ॥
जात रहेउँ बिरञ्चि के धामा । सुनेउँ श्रवन बन ऐहहिं रामा ॥

kaha muni sunu raghubīra kṛpālā | saṅkara mānasa rājamarālā ||
jāta raheum̐ birañci ke dhāmā | suneum̐ śravana bana aihahiṃ rāmā ||

चितवत पंथ रहेउँ दिन राती । अब प्रभु देखि जुड़ानी छाती ॥
नाथ सकल साधन मैं हीना । कीन्ही कृपा जानि जन दीना ॥

citavata paṃtha raheum̐ dina rātī | aba prabhu dekhi jur̤ānī chātī ||
nātha sakala sādhana maiṃ hīnā | kīnhī kṛpā jāni jana dīnā ||

सो कछु देव न मोहि निहोरा । निज पन राखेउ जन-मन-चोरा ॥
तब लगि रहहु दीन हित लागी । जब लगि मिलौं तुम्हहिँ तनु त्यागी ॥

so kachu deva na mohi nihorā | nija pana rākheu jana-mana-corā ||
taba lagi rahahu dīna hita lāgī | jaba lagi milauṃ tumhahim̐ tanu tyāgī ||

जोग जग्य जप तप ब्रत कीन्हा । प्रभु कहँ देइ भगति बर लीन्हा ॥
एहि बिधि सर रचि मुनि सरभंगा । बैठे हृदयँ छाडि सब सङ्गा ॥

joga jagya japa tapa brata kīnhā | prabhu kaham̐ dei bhagati bara līnhā ||
ehi bidhi sara raci muni sarabhaṃgā | baiṭhe hṛdayam̐ chāḍi saba saṅgā ||